Bounce Rate Kya Hain Aur Ise Kaise Kam Karen – Hindi me


Bounce Rate Kya Hain Aur Ise Kaise Kam Karen - Hindi me

Is article ko paḍhna un sabhi ke liye zaruri hoga joki apna ek blog ya ek website chlate hain.

Kyonki aaj ham blogging me aane vale aur SEO ke ek important factor ki baat karne jaa rahen hain, jo hai, bounce rate.

Hum is article me jaanenge ki yah kya hota hai aur aap ise baḍhiyan traffic prapt karne ke liye aur apne blog se baḍhiyan income karne ke liye kam se kam kaise kar sakte hain. Chaliye sabse pahle jaldi se jaan lete hain ki bounce rate kya hota hai.

Bounce rate kya hota hai?

Yah kisi particular website par un visitors ki percentage hoti hai joki us site ka koi bhi ek page dekhane ke baad hi us site ko leave kar jaate hain. Dusre shabdon me kahen, to ye un logon ki percentage hoti hai joki aapke site par ek baar me keval ek hi page ko dekhte hain aur kahin aur chale jaate hain.

Jaise main ek example lu ki hamare site ka bounce rate 55% hain, isaka arth ye hua ki hamare site ko visit karne vale total number of visitors me se 55% visitors aise hain jinhone hamare site par keval koi ek page hi open kiya tha.

Ab aap khud hi sochiye, jis website ka bounce rate sabase kam hoga, utna hi badhiyan hoga.

Agar ham ideal bounce rate ki baat karen, to vo 10% se kam hota hai. 10% se kam bounce rate prapt karne vale sites laakhon me se koi ek hoti hai. 90% se jyada bounce rate ka arth hai ki aapke site par logon ka interest nahin hai. Aam taur par medium level websites ka bounce rate 40% se 80% ke beech hota hai.

Alag-alag tarah ki websites ke liye bounce rate ke aankde kuch is prakar hain

  • content vale websites – 40-60%
  • lead generate karne vale websites – 30-50%
  • blogs – 70-98%
  • retail kaarobaar karne vale sites – 20-40%
  • koi services provide karne vale websites – 10-30%
  • landing pages – 70-90%

ek baat to maine pahale hi clear kar di hai, bounce rate jitna kam ho, utna badhiyan hota hai. To har ek blogger aur webmaster ka goal bounce rate ko kam se kam karne ka hona chahiye. Ab bounce rate ko kam karne ke tarikon ke baare me bhi jaldi se jaan lete hain.

Bounce rate ko kam kaise karen?

Vaise to yadi aap google par search karenge ki bounce rate ko kaise kam karen, to aapko alag-alag websites alag-alag tarike batayenge.

Maine research ke dauran payaa ki kuch websites to tarike batane ki jagah phalatu me dusre topics ko add karke article ki bas length hi baḍha rahe the. Isi kaaraṇa se maine apne complete research ko compile karke aur meri personal judgemet ke taur par aapke liye bounce rate ko kam karne ke best tarike niche diye hain, aur vo bhi aasan shabdon me.

1. Sahi visitors ko attract kijiye

aapka goal aapke website par jyada se jyada visitors prapt karne ka nahin balki targeted visitors prapt karne ka hona chahiye.

Ab aap khud sochiye ki koi games pasnd karne vaalaa vyakti, science aur reeḍaing websites ko thodi kholna chahega. Is liye apne websites par keval un logon ko lane ki koshish kijiye joki aapake niche (Topic) me interested ho.

  • Iske liye aap apne content ke liye sahi keywords ka chunav kijiye.
  • Apne website ya blog par bahut sare unique content ke saath multiple pages ko create kijiye.
  • Search engine me show hone ke liye badhiyan meta description aur title dijiye.
  • Aap jyada targeted traffic exposure ke liye advertising ka sahara bhi le sakte hain.

2. Usability ko badhiyan banayen

koi bhi vyakti aise website ko kholna nahin chahega joki dikhne me achche na ho ya fir jisme alag-alag pages ko browse karne ka experience achcha na ho.

Iske alava jis bhi site ki navigation achchi nahin hoti, logon ko use browse aur surf karne me kaphi dikkat hoti hai. Aapko aisa kuch karna hoga ki aapke site par readers ko aana aur browse karna achcha lage.

badhiyan fonts ka chunav kijiye aur apne text ke size ko itna zarur rakhiye ki vo aasani se paḍhane layak ho.

Bahut jyada bright aur bahut jyada light colors ka prayog na kijiye.

Apni site ki theme me colors aur dusre visual chizon ka combination kuch aisa rakhiye ki logon ko achcha lage aur ve aapke site ko aur browse karna chahen.

Is baat ka dhyan rakhiye ki aapka website responsive ho aur har ek tarah ke display aur device par badhiyan tarike se khule. Apni site ko mobile friendly rakhna bahut hi jyada zaruri hai kyonki aajakal mobile traffic desktop traffic se jyada hota hai.

3. Page load time ko kam se kam kijiye

page load time kisi bhi website ke liye ek bahut hi jyada important factor hai. Iske alava search engine me bhi higher rank karne ke liye aapke website ka loading time kam se kam hona chahiye, kyonki yah ek important seo factor bhi hai.

4. Quality content hi provide kijiye

quality content provide karna kisi bhi website ki reputation se judaa hota hai. Quality content ke saath hi aap apni website ka user base bana sakate hain aur long-term me apni website ko successfully run kar sakate hain.

Is sambandh me kuch tips niche di gayi hain

  • aapki website ke har ek page ka apna ek unique motive hona chahiye.
  • Aapko aapke content me throughout proper headings aur subheadings ko use karna chahiye.
  • Content me particular niche (Topic) ke readers ko hi targeted karen aur iske liye niche (Tpoic) specific keywords ka hi use karen.
  • apne content ko error free rakhen.
  • apne content me throughout media ka bhi proper use karen, jaise ki images aur videos.

Is blog posṭ se sambndhit kisi bhi tarah ka question puchne ke liye niche commet kijiye.

Comments


log in

reset password

Back to
log in